Народны ансамбль танца «Спадчына».

        Народны ансамбль танца «Спадчына»  існуе  з 1984 года. За дасягнутыя поспехі ў развіцці самадзейнай мастацкай творчасці,  актыўную  работу па папулярызацыі народных традыцый у 1986 годзе ансамблю танца «Спадчына»  было прысвоена  найменне “ народны аматарскі калектыў”, якое  ён неаднаразова  і  з  поспехам пацвярджаў.  Да  2010 года кіраўніком ансамбля  з’яўляўся Генадзь Курнуковіч.  У сувязi з выхадам  кiраўнiка на заслужаны адпачынак,   дзейнасць ансамбля на працягу 2009 – 2010 г. перажыла творчы спад.

        З 1 лютага 2011 года кіраўніком калектыву  з’яўляецца Алена Гаеўская. Свой новы творчы шлях ансамбль танца “Спадчына” пачаў у абноўленым саставе.    Cклад калектыву 24 удзельніка: моладзь  і дарослыя ад 14 да 40 год.

        Дзякуючы працавітасці, стараннасці і імкненню кіраўніка і удзельнікаў калектыву,  народны ансамбль “Спадчына” зноў вядзе актыўную канцэртную  дзейнасць. Выступленні  калектыву сталі ўпрыгожваннем  масавых святочных мерапрыемстваў: свята “Купалле” у г.Барані і “Юбілей  авіярамонтнага завода”  у г.п. Балбасава. Акрамя таго, народны ансамбль танца “Спадчына”  прымаў  удзел  ва усіх урачыстых  мерапрыемствах, прысвечаных святочным датам: Дню горада,  Дню Незалежнасцi Рэспублiкi Беларусь,  Дню аховы дзяцей. Удзельнiкi  ансамбля  танца “Спадчына” былі жаданымi  гасцямi  на свяце, прысвечанаму Дню  фірмы  ААТ  “Світанак”.

        Рэпертуар ансамбля  складаецца у асноўным  з беларускіх народных танцау альбо замалёвак на творы беларускiх  кампазiтараў.  За кароткi час работы з новым кiраўнiком  у рэпертуры калектыву ужо больш 6 харэаграфічных кампазіцый:  “ Прывітальная”, “ Спадчына”  харэаграфічная замалеўка “ Вясілля”, “Вочы чорныя”,  беларускі народны танец “ Лявоніха” і інш. 

       Калектыў і яго кіраўнік Алена Гаеўская валодае моцным творчым і інтэлектуальным патэнцыялам, мае шмат планаў і задум на будучыню.